#
السيسي : الشعب يمثل مع الجيش كتلة صلبة لإستمرار الدولة المصرية

السيسي : الشعب يمثل مع الجيش كتلة صلبة لإستمرار الدولة المصرية

أش أ

قال الرئيس عبدالفتاح السيسي، إنه في «ثورتي في 25 يناير و30 يونيو، الجيش وقف مع الناس، ودي نقطة مهمة نتأكد إنها هتقف مع الناس، الجيش هيبقى ظهير للشعب المصري».

وأضاف السيسي في كلمته بمناسبة ثورة يوليو، اليوم الأربعاء: «الشعب يمثل مع الجيش كتلة صلبة جدا لاستمرار الدولة المصرية، محدش هيقدر طول ما المصريين كتلة واحدة، والجيش والمصريين كتلة واحدة، هو الحفاظ على مصر».

وتابع: «يا ترى القناعات أو حتى القائمين على الدولة لديهم قناعات مستقرة على أهداف 25 يناير عيش حرية عدالة اجتماعية، والحفاظ على أهداف الحرية والكرامة الإنسانية والعدالة الاجتماعية، لو مش موجودة يبقى فيه مشكلة كبيرة».

وأضاف: «الحرية اللي بنتكلم عليها، مش تعبر عن رأيك ورأينا، لا الحرية إنك تشعر بإنك تفكر بحرية، ومحدش يحاول يفرض عليك فكر معين، بتفكر حتى في الاعتقاد، يبقى حرية اعتقاد، وميبقاش فيه فكر بعينه، مفروض على الناس إنه الحق.. المصريين لما حسوا إن الحرية منقوصة اتحركوا في 30 يونيو حسوا إن حريتهم هتتاخد منهم، وهيفرض حاجة تانية، بتكلم بمنتهى التجرد، بغض النظر هل هو صح أم لا الفكر ده، كل إنسان من حقه الاعتقاد والتفكير ولا يفرض عليه رأي بعينه».

واستطرد: «الحرية كمان بمفهوم أكبر، معقول تبقى ظروف الناس الصعبة اقتصاديا، تقدر تديله مناخ حقيقي يعبر بحرية، واللا يبقى أسير لفقره، ولغلبه، حرية إيه وانا مش لاقي آكل».

ووجه الرئيس عبد الفتاح السيسي التحية لرجال ثورة 23 يوليو.

 وقال  ” إنني اوجه التحية لرجال ثورة يوليو واخص الرؤساء الذين حاكموا مصر في تلك الفترة الرئيس الراحل محمد نجيب والرئيس الراحل جمال عبد الناصر والرئيس الشهيد أنور السادات”.

 وأضاف “الرئيس السيسي أن الجيش المصري تحرك في هذه الفترة برجال شرفاء عظماء لتلبية طموحات الشعب المصري حتى تكون بداية لمصر الحديثة”.

2014-07-23