السيسى: مجمع مسطرد توقف 10 سنوات بسبب أحداث 2011 وحرمنا من مكتسبات اقتصادية

قال الرئيس عبد الفتاح السيسى، أن مجمع مسطرد الذى سوف يتم افتتاحه اليوم، بدأ العمل فيه وتوقف نتيجة أحداث عام 2011، قائلا: ” مجمع زى كده هتعرفوا حجم الفوائد التى تعود على مصر فى مجال البترول، وتوقف لما يقرب من 10 سنيين نتيجة عدم الاستقرار.. أرجو أن أنكم تعرفوا ده.. وعلشان تبقوا فاهمين ليه عاوزينكم تتحركوا.. هو مش بيقولك اتحرك علشان تهد بلدك.. لا عاوز تتحرك تقوم تكمل عليها وتهدها.. هى الحكاية كده”. 

وأضاف الرئيس السيسى خلال افتتاح “مجمع “التكسير الهيدروجينى”، ان الوعى السلاح الماضى ضد كل الأخطار ومواجهة محاولة تشويه الجهد الذى تم بذله لتطوير الدولة المصرية.. مشروع زى “مجمع مسطرد”، تأخر 10 سنوات وحرمت الدولة من مكتسبات اقتصادية كبيرة نتيجة الحالة دى”. 

قال الرئيس عبد الفتاح السيسى، إن الدولة عندما تنشئ كبارى، تحافظ على الحركة أسفل منه، متابعا: “الحركة بتكون ماشية تحت الكوبرى”.

أضاف الرئيس السيسى أن الدولة أنشأت 22 كوبرى في 6 أشهر فقط، على الرغم من الكتلة السكانية صعبة في تلك المناطق، مردفا: “فيه حركة للناس ومصالح ليها.. وكل ما ننجز العمل في وقت قصير بنريح الناس”.

وتابع الرئيس: “خلال 6 شهور بنحل الحركة في شرق القاهرة من أول طريق السخنة في اتجاه الشرق وطريق بلبيس في اتجاه الشرق ثم المحاور.. وده بيتعمل علشان الناس علشان يريح الناس”.

واستكمل الرئيس السيسى: “لما بنعالج مسألة.. كان مسار حلها قبل كده بدون إساءة لأى حد كان مختلف والتكلفة المالية ضخمة جدا”.

قال الرئيس عبدالفتاح السيسي، إنه تم إنفاق ما يقارب من 380 مليار جنيه على العاصمة خلال السبع سنوات الماضية، مضيفا: “القاهرة واخدة 380 مليار جنيه فى 7 سنين، غير الكلام اللى بيتعمل دلوقتي ، لو كان في خلال السبع سنين مش محتاجين نصرف الأرقام دى جوه العاصمة ، كنا هننفقه في مدينة تانية لأن العاصمة كانت هتبقى مستقرة، لكن حصل نمو مش مستقر”.

قال الرئيس عبد الفتاح السيسى، أن هناك من يستغل المواقف الصعبة من أجل تشكيك المصريين فى ما يتم تنفيذه على أنه على حسابهم وضدهم متابعا: “رهانى على الشعب أنه متفهم ومقدرين وتتحملواما يتم تنفيذه.. واللى بيتعمل بيتعمل بالمصريين.. هى الدولة حاجة وشعبها حاجة تانية.. الدولة والشعب حاجة واحدة.. احنا بنجرى وأنا رهانى على الناس.. والحمد لله رب العالمين.. خلال السنوات الماضية كان الرهان كسبان”. 

وأضاف الرئيس السيسى “بنصلح فى الأرض.. لو بفسد فى الأرض هبقى خايف لأن مش هيبقى معايا ربنا.. وأن الناس نحن نعمل فى مسار إصلاح وتنمية وتعمير لأن الدولة تحتاج إلى هذا.. الإصلاح الاقتصادى لم يكن سهلا.. وبفضل الله عدينا منه وحققنا انجازات الدنيا كلها ببتكلم عليها.. وأنا بقول “بفضل الله” وقدرنا نواجه الاقتصاد المعثر والسياحة وغيرها”.

وجه الرئيس عبدالفتاح السيسي، الحكومة بسرعة الانتهاء من الاشتراطات الجديدة للبناء، وإعلانها للشعب، وقال الرئيس: “اشتراطات البناء والدنيا واقفة ودى مش من المصلحة.. خلصوا اشتراطات البناء وأعلنوها للناس والمسار الجديد إزاى هنظم عملية البناء في مصر علشان الدنيا تتحرك”.

وأضاف الرئيس “عاوز أقول للناس الاشتراطات.. إن كان عندنا عيب في النظام خله الدنيا كده وأنا بقول كلام مهذب.. كتير من بلدنا بالطريقة دى، لأن النظام اللى كان موجود قبل كده فى تنظيم البناء محتاج يتطور”.

وأكمل الرئيس السيسي: “الثمن اللى بيتدفع ده بيتحمله الشعب المصري كله، يهمنى أقول حاجة واحدة بس، براهن على الناس والمصريين طيب أنا بشكر المصريين “.

أشاد الرئيس عبد الفتاح السيسي بوعي المواطن المصري، قائلاً: أنا دائما بقول لكم انا براهن على الناس، دلوقتي بقولكم انا بشكر الناس”

وأضاف السيسي “ده رهان عليكم أنكم قادرين وبتتحملوا.. الشعب والدولة حاجة واحدة ومحدش يقدر يدخل بيننا”. وأضاف الرئيس السيسى خلال كلمته فى افتتاح مجمع “التكسير الهيدروجينى” فى مسطرد: “بنصلح فى الأرض.. لو بفسد فى الأرض هبقى خايف لأن مش هيبقى معايا ربنا.. وأن الناس نحن نعمل فى مسار إصلاح وتنمية وتعمير لأن الدولة تحتاج إلى هذا.. الإصلاح الاقتصادى لم يكن سهلا.. وبفضل الله عدينا منه وحققنا انجازات الدنيا كلها ببتكلم عليها.. وأنا بقول “بفضل الله” وقدرنا نواجه الاقتصاد المعثر والسياحة وغيرها”.