الرئيس السيسي: الجمهورية الجديدة تتسع للجميع دون تمييز

زار الرئيس عبد الفتاح السيسي كنيسة ميلاد المسيح بالعاصمة الإدارية لتقديم التهنئة بمناسبة عيد الميلاد.

وقال الرئيس – خلال كلمته – “إننا بدأنا في مصر طريق عاهدنا فيه الله وعاهدناكم بدأناه سويا وسنكمله سويا”.

وأضاف الرئيس السيسي أن هذا الطريق .. طريق الجمهورية الجديدة التي تتسع للجميع دون أي فرق أو تمييز وهذا كلامي لكل المصريين.. أوعوا حد يدخل بينا أو يفتنا وربنا يعينني أن أكون خادم أمين شريف لهذا الوطن”.

ورد عليه احد الحاضرين “ربنا يحميك ياريس.. فرد عليه ربنا هو اللي بيحمينا فنحن هنا في بيت من بيوت الله”.

وتابع السيسي “الطريق زي ما بنقول طريق الجمهورية الجديدة تتسع للجميع ولينا كلنا دون فرق أو تمييز، نعيش فى سلام وأمان مع بعض.. الكلام ده لكل الناس للمصريين.. اوعوا حد يدخل بينا.. اوعوا حد يفتنا.. لأن ده مش هينتهي.. كل ما هنكمل وهننجح”.

وأضاف “في الأيام الجميلة دي.. والله إحنا بنحبكوا.. ربنا يعينني إني أكون خادم أمين وشريف للبلد دى، يارب يعيننا على كده.. خلينى أقولكم .. زى ما قولت البلد بلدنا كلنا تسعنا كلنا.. وإحنا ربنا سبحانه وتعالي هو اللى بيحمي.. إحنا في بيت من بيوت ربنا.. ولازم تعرفوا إن اللى حامي البلد ربنا سبحانه وتعالى.. دايما ندعوه ونتوسل له يحمينا ويهدينا ويكملنا هو ربنا وبيسبب الأسباب”.

وقال الرئيس السيسي “الجمهورية الجديدة هي الحلم والأمل والعمل، القادرة وليست الغاشمة، المسالمة وليست المستسلمة.. هنبنى مع بعض .. أي تحدي وصعاب تهون لو إحنا كلنا على قلب راجل واحد.. كلنا مع بعض.. كل عام وأنتم بخير ومصر بخير والدنيا كلها بخير.. كنت أتمنى أسلم عليكم كلكم.. لكن يعني ربنا يزيح عننا الجائحة ويحمينا ويحميكم كلكم”.

واختتم الرئيس السيسي، كلمته، قائلا: “انتوا متعرفوش التقدير والمحبة اللى بكنها لقداسة البابا.. خلي بالكم الرجال توزن فى المواقف الصعبة جدا.. لكن قداسة البابا.. انتوا كمان تخلوا بالكم منه.