إستطلاع رأي
Loading ...
السيسي: 5.4% معدل النمو حاليا ونسعى للمزيد
أكد الرئيس عبد الفتاح السيسى، أن معدل النمو وصل فى الفترة الراهنة إلى 5.4%، مضيفا “أن هذا لم يكن متوقعا وحتى لو كان المستهدف فى 2022، 7% أو 8%.. المعدل اللى اتحقق خلال الربع التالت وبنتمنى أن إحنا فى الربع الرابع من هذا العام إننا نحقق 5.5% أو 5.6%”.
وأضاف الرئيس السيسى – خلال كلمة له بجلسة “رؤية شبابية لمصر للأربع سنوات المقبلة” – أن النمو السكانى الموجود فى مصر تحدى كبير للغاية، يحتاج كل القوة سواء الإعلام أو الأحزاب والقوى السياسية وغيرها، مستكملا: “إحنا كمواطنين قاعدين فى بيوتنا، لازم نكون عارفين أن ده تحدى.. لن نستطيع أن ننعم أو نطمئن أو نشعر بتحسن فى دخلنا حتى لو زودنا معدل النمو على الوضع الحالى”.
وأكد السيسي، أن هناك فرق كبير بين المسار المعرفى والنظريات والبيانات وتطبيقها على أرض الواقع وخصوصية التجربة، قائلا: “يعنى خصوصية تجربة مصر وظروفنا احنا وكل اللى بيتم تداوله من إجراءات ممكن تتعمل موجودة وكل الأكاديميين عارفينها لكن ازاى تعملها مع ظروف بلدك”.
واستشهد الرئيس على كلامه قائلا: “أى حد دارس بيشوف مثلا قطاع زى السكة الحديد والمترو هيقول المرفق ده محتاج إجراءات للإصلاح ولكن لما تيجى تنفذ الإجراءات اللى درستها من منظور أكاديمى ومسار واضح للحل لازم تراعى خصوصية الحالة المصرية عشان لما تيجى تعملها تنجح فيها”.